Հայկական բացօթյա վեցերորդ փառատոնը Լոնդոնում

17 հուլիսի, 2016

Հուլիսի 17–ին Լոնդոնում տեղի ունեցավ ամենամյա Հայկական բացօթյա վեցրերոդ փառատոնը։ Այն կազմակերպվել էր Լոնդոնի Քենսինգթոն վարչական շրջանում տեղակայված Սուրբ Սարգիս եկեղեցու բակում։ Միջոցառմանը մասնակցում էին Միացյալ Թագավորությունում գործող հայկական տարբեր կազմակերպություններ։ Տեղակայվել էին հայկական մշակույթի տարբեր ոլորտները, գրատպությունը, խոհանոցը ներկայացնող առանձին տաղավարներ։

Փառատոնն իրականացվում է Հայ Առաքելական եկեղեցու Մեծ Բրիտանիայի և Իռլանդիայի թեմի և տեղի հայ համայնքի ջանքերով։

Միջոցառմանը ներկա գտնվողներին իրենց ղջույնի խոսքը հղեցին Քենսինգթոն -Չելսիի արքայական շրջանի ղեկավար Էլիզաբեթ Ռըդերֆորդը, Հովակիմ եպիսկոպոս Մանուկյանը, Մեծ Բրիտանիայի խորհրդարանի համայնքների պալատի անդամ Սթիվեն Փաունդը և Ռութ Քեդբերին։ Խոսքով հանդես եկավ նաև ՄԹ–ում ՀՀ դեսպանատան ներկայացուցիչը` կարևորելով միջոցառումը` որպես հայկական պատմությունն ու մշակույթը լավագույնս ներկայացնելու ձեռնարկ։

Փառատոնի ընթացքում, որը ուղեկցվում էր հայկական երգ ու պարով, տաղավարներ էին այցելում բազմաթիվ օտարազգիներ և ծանոթանում հայկական մշակույթին։ Միջոցառմանը իրենց մասնակցությունը ցուցաբերեցին նաև Հայաստանից ժամանած մշակույթի ներկայացուցիչներ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր