Լուրեր

Դեսպան Արման Կիրակոսյանի դասախոսությունը Քարդիֆի համալսարանում

09.04.2019

Կից լուսանկարներ

Դեսպան Արման Կիրակոսյանի դասախոսությունը Քարդիֆի համալսարանում

Դեսպան Արման Կիրակոսյանի դասախոսությունը Քարդիֆի համալսարանում

 

Ամբողջ ալբոմ »

Քարդիֆի համալսարանի Իրավունքի և քաղաքականության դպրոցի (School of Law and Politics at Cardiff University) հրավերով ապրիլի 9-ին Միացյալ Թագավորությունում Հայաստանի Հանրապետության դեսպան Արման Կիրակոսյանը հանդես եկավ Հայոց ցեղասպանության վերաբերյալ դասախոսությամբ:

Իր ելույթում Արման Կիրակոսյանն անդրադարձ կատարեց 20-րդ դարի առաջին ցեղասպանությանը, միջազգային իրավունքում «ցեղասպանություն» եզրույթի ձևավորմանը, Հայոց ցեղասպանության չճանաչման և չդատապարտման հետևանքով հետագայում տեղի ունեցած մարդկության դեմ նոր ոճրագործություններին, Հայաստանի՝ ՄԱԿ-ի և միջազգային այլ հարթակներում ցեղասպանության հանցագործության կանխարգելման օրակարգի առաջմղման ջանքերին, հայ-թուրքական հարաբերությունների պատմությանը և ներկայիս իրավիճակին: Նա ընդգծեց, որ Հայոց ցեղասպանության միջազգային ճանաչման գործընթացը գտնվում է ՀՀ արտաքին քաղաքականության օրակարգում և մենք կարևորում ենք այդ ոճրագործության դատապարտումը: Այս համատեքստում նա շնորհակալություն հայտնեց Ուելսի քաղաքական և հոգևորական իշխանություններին՝ այդ երկրի Ազգային ժողովի և եկեղեցու կողմից Հայոց ցեղասպանությունը ճանաչելու ու դատապարտելու համար:

Միջոցառմանը ներկա էին Քարդիֆի համալսարանների դասախոսներ, ուսանողներ, քաղաքական վերլուծաբաններ: Դասախոսությանը ներկա էր նաև Ուելսի հայտնի կրոնական գործիչ, հայոց պատմության և մշակույթի գիտակ, From Carmarthen to Karabagh: A Welsh discovery of Armenia և Remembering the Armenian Genocide գրքերի հեղինակ Պատրիկ Թոմասը:

Դեսպան Կիրակոսյանն Քարդիֆի համալսարանի գրադարանին նվիրեց հայ ժողովրդի պատմության և, մասնավորապես, Հայոց ցեղասպանության թեմային վերաբերող գրքերի հավաքածու:

Արման Կիրակոսյանն այցելեց նաև Քարդիֆի Խաղաղության տաճարի հարակից այգում 2007թ.-ին տեղադրված Հայոց ցեղասպանության զոհերի հիշատակին նվիրված հուշարձան-խաչքարը:

 

ՀՀ ԱԳՆ
պաշտոնական կայք
Երկքաղաքացիություն Էլեկտրոնային
վիզա
Արտոնագրի
ձևեր