ՀՀ ԱԺ Նախագահի Հովիկ Աբրահամյանի այցը Միացյալ Թագավորություն

13 փետրվարի, 2011

Մարտի 13-ին ՀՀ ԱԺ նախագահը և պատվիրակության անդամնեը այցելեցին ՄԹ-ում ՀՀ դեսպանությունը և այնուհետև Հայ տանը հանդիպեցին բրիտանական հայ համայնքի ներկայացուցիչների հետ:

Մարտի 14-ին ՀՀ պատվիրակությունը մի շարք հանդիպումներ ունեցավ Մեծ Բրիտանիայի խորհրդարանում` Համայնքների պալատի նախագահ Ջոն Բերքոուի և Լորդերի պալատի նախագահ բարոնուհի Հելեն Հայմանի հետ: ԱԺ նախագահը ՄԹ Համայնքների պալատի և Լորդերի պալատի նախագահներին հրավիրեց Հայաստան: Հանդիպմանը մասնակցում էին Բրիտանահայկական համակուսակցական խորհրդարանական խմբի ղեկավար բարոնուհի Քերոլայն Քոքսը և ՄԹ-ում ՀՀ դեսպանության գործերի ժամանակավոր հավատարմատար Գագիկ Կիրակոսյանը:

Նույն օրը Բրիտանիայի խորհրդարանում ՀՀ ԱԺ խորհրդարանական պատվիրակությունը հանդիպեց Բրիտանահայկական համակուսակցական խորհրդարանական խմբի անդամների հետ` Քերոլայն Քոքսի գլխավորությամբ: Հանդիպմանը մասնակցում էին նաև ՄԹ-ում ՀՀ դեսպանության և ՄԹ ԱԳՆ ներկայացուցիչները:

Հանդիպումների ավարտին ԱԺ նախագահը եւ պատվիրակության անդամները շրջայց կատարեցին խորհրդարանի շենքում, մասնակցեցին Լորդերի պալատի լիագումար նիստին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր