<<Անուշ>> օպերայի ցուցադրումը Լոնդոնում

06 հուլիսի, 2012

Հուլիսի 6-ին Լոնդոնի <<Tabernacle>> թատրոնում կայացավ Արմեն Տիգրանյանի <<Անուշ>> օպերայի պրեմիերան: Այս հայտնի օպերան առաջին անգամն էր բեմադրվում Միացյալ Թագավորությունում և այն իրականություն դարձավ Լոնդոնի հայկական օպերայի ջանքերով:

Անուշի դերերգը կատարեց Երաժշտության թագավորական ակադեմիայի սան Թերեզա Գևորգյանը, մյուս գլխավոր դերերգերը կատարեցին Վահե Բեդոյանը (Սարո), Արիս Նադիրյանը (Մոսի) և Անաիս Հեղոյանը:

Պրեմիերան մեծ հաջողություն ունեցավ: Հայ համայնքի և համայնքային կառույցների ներկայացուցիչներից բացի, հանդիսատեսի մեջ մեծ թիվ էին կազմում նաեւ բրիտանացիները:

Լոնդոնի հայկական օպերան նորաստեղծ կառույց է՝ Արիս Նադիրյանի ղեկավարությամբ, և միավորում է հայ համայնքի անդամ երաժիշտներին ու արվեստագետներին: Այն նպատակ ունի բրիտանական հասարակությանը ճանաչելի դարձնել հայկական դասական երաժշտությունը, ինչպես նաև բեմում հանդես գալու հնարավորություն ընձեռել երիտասարդ հայ երաժիշտներին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր