Դեսպան Սարգսյանն իր հավատարմագրերը հանձնեց Իռլանդիայի նախագահին

29 հունվարի, 2015

Իռլանդիայում ՀՀ դեսպան Արմեն Սարգսյանը (նստավայրը` Լոնդոն) Դուբլինում իր հավատարմագրերը հանձնեց Իռլանդիայի նախագահ Մայքլ Հիգինսին։

Հավատարմագրերի հանձնմանը հետևեց Արմեն Սարգսյանի և Մայքլ Հիգինսի առանձնազրույցը։ Ողջունելով դեսպան Սարգսյանին` Իռլանդիայի նախագահը շնորհավորեց վերջինիս պաշտոնի ստանձնման կապակցությամբ և վստահություն հայտնեց, որ դեսպանի երկարամյա դիվանագիտական և քաղաքական փորձը առավելագույն կերպով կնպաստի հայ–իռլանդական հարաբերությունների սերտացմանը։

Շնորհակալություն հայտնելով ընդունելության համար` Արմեն Սարգսյանը հաստատեց Հայաստանի շահագրգռվածությունը բարեկամ Իռլանդիայի հետ համագործակցությունը զարգացնելու վերաբերյալ։

Առանձնազրույցի ընթացքում քննարկվեց քաղաքական, առևտրատնտեսական, մշակութային ոլորտներում համագործակցության օրակարգի, ինչպես նաև ընդհանուր հետաքրքրություն ներկայացնող հարցերի լայն շրջանակ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր