Հայաստանի Հանրապետության փոխվարչապետ, միջազգային տնտեսական ինտեգրման եվ բարեփոխումների նախարար Վաչե Գաբրիելյանը մեկնել է Լոնդոն

20 մայիսի, 2016

ՀՀ փոխվարչապետ, միջազգային տնտեսական ինտեգրման և բարեփոխումների նախարար Վաչե Գաբրիելյանը եռօրյա աշխատանքային այցով գտնվում է Լոնդոնում (Մեծ Բրիտանիայի և Հյուսիսային Իռլանդիայի Միացյալ Թագավորություն)՝ Վերակառուցման և Զարգացման Եվրոպական Բանկի 25-րդ հոբելյանական ամենամյա նիստին մասնակցելու նպատակով: Այցի շրջանակներում ՀՀ փոխվարչապետը մի շարք հանդիպումներ է ունեցել, մասնավորապես՝ Վաչե Գաբրիելյանը հանդիպել է Վերակառուցման և Զարգացման Եվրոպական Բանկի նախագահ պարոն Սումա Չակրաբարտիի հետ: Հանդիպման ընթացքում կողմերը քննարկել են հետագա համագործակցության խորացմանն ուղղված մի շարք հարցեր:

Ամենամյա ժողովի շրջանակներում ՀՀ փոխվարչապետն ստորագրել է <<Գյումրու քաղաքային ճանապարհներ>> վարկային համաձայնագիրը 14.6 մլն եվրո արժողությամբ և <<Գյումրու քաղաքային ճանապարհներ. Տրանշ Ա>> դրամաշնորհի համաձայնագիրը 2.56 մլն եվրո արժողությամբ, որոնց միջոցով նախատեսվում է իրականացնել Գյումրի քաղաքի ճանապարհների հիմնանորոգման և քաղաքի փողոցների արտաքին լուսավորության ցանցի արդիականացման աշխատանքներ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր