Հայաստանի Առաջին Հանրապետության 100–ամյակին նվիրված միջոցառում Լոնդոնում

12 մայիսի, 2018

Մայիսի 12–ին Լոնդոնում տեղի ունեցավ Հայաստանի Առաջին Հանրապետության 100–ամյակին նվիրված երեկո, որը կազմակերպվել էր «Մայիսի 28-ի հանձնախմբի» կողմից։ Երեկոյին մասնակցում էին հայ համայնքի բազմաթիվ ներկայացուցիչներ։

Տոնական երեկույթին մասնակցեց նաև Միացյալ Թագավորությունում Հայաստանի Հանրապետության դեսպանությունը։ Ներկաներին խոսք ուղղեց ՄԹ-ում Հայաստանի գործերի ժամանակավոր հավատարմատար Արմեն Լիլոյանը։ Նա մասնավորապես անդրադարձավ Առաջին Հանրապետության հիմանդրման պատմական նշանակությանը պետականություն կերտելու գործում։ Ընդգծեց, որ ցեղասպանություն վերապրած հայ ժողովուրդը, իր միասնականությամբ և համախմբվածությամբ կարողացավ մայիսյան հերոսամարտերից հետո հիմնադրել պետություն, որը թեև իր կարճ գոյությանը անջնջելի հետք թողեց հայ ժողովրդի պատմության մեջ։

Երեկոյի ընթացքում երաժշտական կատարումներով հանդես եկան Լիբանանից հրավիրված Հրաչ Կայծակեանն ու իր նվագախումբը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր