Հայաստանը մասնակցել է Լոնդոնի Համաշխարհային զբոսաշրջության ցուցահանդեսին

06 նոյեմբերի, 2019

Նոյեմբերի 4-6-ը Լոնդոնում անցկացվել է հեղինակավոր Համաշխարհային զբոսաշրջության ցուցահանդեսը (London World Travel Market), որին առանձին տաղավարով ներկայացված է եղել նաեւ Հայաստանը:

Միջոցառման շրջանակում հայկական տաղավար են այցելել բազմաթիվ հյուրեր, այլ երկրների զբոսաշրջային ընկերությունների ներկայացուցիչներ, լրագրողներ, հայ համայնքի անդամներ։

Հայաստանյան զբոսաշրջային գործակալությունների մասնակցությունը ցուցահանդեսին կազմակերպել էր ՀՀ տնտեսական զարգացման եւ ներդրումների նախարարության Զբոսաշրջության կոմիտեն:

Յուրաքանչյուր տարի տուրիզմի ոլորտում ամենանշանակալի միջոցառումներից մեկին մասնակցում են բազմաթիվ երկրներ, ինչպես նաեւ շուրջ 50 հազար զբոսաշրջային ոլորտի մասնագետներ ավելի քան 5000 ընկերություններից: Լոնդոնի Համաշխարհային զբոսաշրջության ցուցահանդեսը այցելում են մոտ 30,000 մարդ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր