Հայ-ադրբեջանական սահմանին զոհված զինծառայողների հիշատակին նվիրված ոգեկոչման արարողություն Լոնդոնի Սբ Եղիշե եկեղեցիում

27 հուլիսի, 2020

Հուլիսի 26-ին Լոնդոնի Սբ Եղիշե եկեղեցում տեղի է ունեցել հատուկ ոգեկոչման արարողություն՝ նվիրված վերջին օրերին Տավուշում՝ հայ-ադրբեջանական սահմանին, հուլիսի 12-ից Ադրբեջանի կողմից սանձազերծված ռազմական գործողությունների հետեւանքով զոհված զինծառայողների վառ հիշատակին:

Արարողությունից հետո ՄԹ-ում ՀՀ դեսպանության գործերի ժամանակավոր հավատարմատար Գագիկ Կիրակոսյանը հարգանքի տուրք է մատուցել հայրենիքի պաշտպանության համար իրենց կյանքը զոհաբերած զինծառայողների անմար հիշատակին՝ ընդգծելով, որ տղաների գործած սխրանքն անմահ է:

Ներկաներին ուղղված իր խոսքում Գագիկ Կիրակոսյանը նաեւ ներկայցրել է սահմանին վերջին օրերին տեղի ունեցած իրադարձությունները եւ հայկական կողմի դիվանագիտական ասպարեզում իրականացված քայլերը՝ ներառյալ Միացյալ Թագավորություոնում: Նշելով, որ վերջին շրջանում աշխարհի տարբեր երկրներում ՀՀ քաղաքացիների, հայ համայնքների անդամների հանդեպ արձանագրվում են բռնության դեպքեր եւ փորձեր, Գագիկ Կիրակոսյանը կոչ է արել մեր հայրենակիցներին ցուցաբերել առավել զգոնություն եւ չտրվել որեւէ սադրանքի:

Ելույթներով են հանդես եկել նաեւ Մեծ Բրիտանիայի եւ Հյուսիսային Իռլանդիայի Միացյալ Թագավորության Հայոց Թեմի առաջնորդ Հովակիմ եպիսկոպոս Մանուկյանը, ով նույնպես ոգեկոչել է ինչպես վերջին օրերին զոհված հայ զինծառայողնրի, այնպես էլ մեր հայրենիքի համար իրենց կյանքը նվիրաբերած բոլոր հայորդիների հիշատակը, եւ Բրիտանահայ համայնքային խորհրդի ատենապետ Արմանդ Աբրահամյանը:

Պատարագին հաջորդել է հայկական խաչքարի մոտ ծախկեպսակի զետեղումը` հանուն հայրենիքի իրենց կյանքը զոհաբերած մեր բոլոր զինծառայողների հիշատակին, ինչպես նաեւ «Ախթամար» համույթի կողմից հայկական Յարխուշտա հայրենասիրական պարի կատարումը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր