Մեկնարկում են ուղիղ չվերթներ Երևանի և Լոնդոնի միջև

08 հունիսի, 2026

Հունիսի 8-ին Լոնդոնի «Լուտոն» օդանավակայանում տեղի է ունեցել Լոնդոն Լուտոն և Երևանի «Զվարթնոց» օդանավակայանների միջև Wizz Air ավիաընկերության ուղիղ չվերթի պաշտոնական բացման արարողությունը, ինչը նշանակալի հանգրվան է Հայաստանի Հանրապետության և Միացյալ Թագավորության միջև կապերի ամրապնդման գործում:

Իր ելույթում դեսպան Ներսեսյանը ողջունել է ուղիղ չվերթի մեկնարկը՝ ընդգծելով դրա կարևորությունը ՀՀ-ՄԹ հարաբերությունների խորացման տեսանկյունից: Դեսպանը նշել է, որ նոր տրանսպորտային կապը ոչ միայն առավել հասանելի կդարձնի երկու երկրների միջև ճանապարհորդությունը, այլև կնպաստի զբոսաշրջության, գործարար կապերի, կրթական փոխանակումների և մշակութային համագործակցության հետագա զարգացմանը:

Դեսպան Ներսեսյանն ընդգծել է, որ ուղիղ օդային հաղորդակցությունն առանցքային դեր է խաղում միջանձնային շփումների ամրապնդման գործում՝ մոտեցնելով հայ և բրիտանացի ժողովուրդներին և նոր հնարավորություններ ստեղծելով տարբեր ոլորտներում փոխգործակցության համար: Նա նաև կարևորել է այս չվերթի նշանակությունը ՄԹ հայ համայնքի համար՝ ապահովելով առավել հարմարավետ կապ Հայաստանի հետ և նպաստելով հայրենիքի հետ սերտ կապերի պահպանմանը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր