Դեսպան Ներսեսյանի հանդիպումը Փրիթի Փաթելի հետ

15 հունիսի, 2026

Հունիսի 15-ին դեսպան Վարուժան Ներսեսյանը հանդիպում է ունեցել ՄԹ ԱԳՆ ստվերային նախարար Փրիթի Փաթելի հետ:

Հանդիպման ընթացքում դեսպանը տիկին Փաթելին է ներկայացրել Հարավային Կովկասում տեղի ունեցող վերջին զարգացումները, այդ թվում՝ տարածաշրջանում հաստատված խաղաղության ամրապնդմանն ուղղված Հայաստանի Հանրապետության շարունակական ջանքերը:

Զրուցակիցները քննարկել են «Միջազգային խաղաղության և բարօրության Թրամփի երթուղի» (TRIPP) նախաձեռնության իրականացումը՝ որպես կարևոր քայլ՝ ուղղված տարածաշրջանային կապուղիների ապաշրջափակմանը, տնտեսական համագործակցության խթանմանը, ինչպես նաև Հայաստանի և ավելի լայն տարածաշրջանի անվտանգության ու բարօրության ամրապնդմանը: Այս համատեքստում դեսպան Ներսեսյանն ընդգծել է ինքնիշխանության, տարածքային ամբողջականության, իրավազորության և փոխադարձության սկզբունքների կարևորությունը, որոնք առանցքային են տարածաշրջանային հաղորդակցության ուղիների հաջող առաջմղման համար:

Դեսպան Ներսեսյանն ընդգծել է նաև Հայաստան-ՄԹ երկկողմ օրակարգի ընդլայնումը և փոխադարձ հետաքրքրություն ներկայացնող ոլորտներում համագործակցության հետագա խորացման հնարավորությունները, այդ թվում՝ քաղաքական երկխոսության, տարածաշրջանային անվտանգության, առևտրի, կրթության և միջանձնային շփումների բնագավառներում: Հղում անելով Հայաստան-ՄԹ ռազմավարական գործընկերությանը, որը հաստատվել է այս տարի Երևանում կայացած Եվրոպական քաղաքական համայնքի գագաթնաժողովում ընդունված որոշման արդյունքում, դեսպանը նշել է, որ այս նոր ձևաչափը ամուր հիմք է հանդիսանում մի շարք ոլորտներում համագործակցության ընդլայնման և համատեղ առաջնահերթությունների առաջմղման համար:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր