Հայոց Ցեղասպանության զոհերի հիշատակին նվիրված հուշատախտակի բացման արարողություն Ուելսում

09 մայիսի, 2014

Մայիսի 9-ին Գվինեդում՝ Հյուսիսային Ուելս, տեղի ունեցավ Հայոց Ցեղասպանության զոհերի հիշատակին նվիրված հուշատախտակի բացման արարողություն:

Գվինեդի շրջանային խորհրդի շենքում տեղադրված հուշատախտակի բացման արարողությանը ողջույնի խոսքով հանդես եկավ Գվինեդ շրջանի խորհրդի նախագահ Դեվի Օուենը (Dewi Owen), ինչպես նաև ընթերցվեց ՄԹ-ում ՀՀ դեսպան Արմեն Սարգսյանի ուղերձը: Այնուհետև Հայ Առաքելական Եկեղեցու՝ Միացյալ Թագավորության և Իռլանդիայի թեմի առաջնորդ Վահան եպիսկոպոս Հովհաննիսյանը և Ուելսի Սբ. Դավիթ եկեղեցու առաջնորդ Պատրիկ Թոմասը հայերենով և վալլիերենով կատարեցին Հայոց Ցեղասպանության զոհերի հիշատակի արարողություն:

2004-ին Գվինեդի խորհուրդը միաձայն քվեարկել էր Հայոց Ցեղասպանության ճանաչման օգտին: Ուելսի հայ համայնքի ջանքերով համաձայնություն էր ձեռք բերվել հուշատախտակ տեղադրել ի հիշատակ Ցեղասպանության զոհերի:

Նույն օրը, Լոնդոնի հեղինակավոր Purcell Hall սրահում տեղի ունեցավ Հայոց Ցեղասպանության զոհերի հիշատակին նվիրված «Գարնանային հիշատակի համերգը», որի ընթացքում կատարվեցին հայտնի հայ երգահաններ Կոմիտասի, Կանաչյանի, Ալեմշահի, ինչպես նաև Մոցարտի, Շոստակովիչի և Չայկովսկու ստեղծագործություններ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր