Լոնդոնում նշվեց Հայաստանի Հանրապետության անկախության 26–րդ տարեդարձը

23 սեպտեմբերի, 2017

Սեպտեմբերի 23–ին Լոնդոնի հայկական Սուրբ Եղիշե եկեղեցում տեղի ունեցավ Հայաստանի Հանրապետության անկախության 26–ամյակին նվիրված համերգ, որը կազմակերպել էր Միացյալ Թագավորության Հայկական համայնքային խորհուրդը` ՀՀ դեսպանության և Հայաստանյայց Առաքելական եկեղեցու Մեծ Բրիտանիայի և Իռլանդիայի թեմի հովանու ներքո։

Ներկա էին Քենսինգտոն և Չելսի թագավորական շրջանի քաղաքապետը, տեղական իշխանության այլ ներկայացուցիչներ, հայկական համայնքի անդամներ։ Ներկաներին իր ողջույնի խոսքը հղեց ՀՀ դեսպանության ներկայացուցիչը, ով ամփոփեց անկախության 26 տարիների ձեռքբերումներն ու անդրադարձավ ապագայի տեսլականին` կարևորելով Հայաստան–Սփյուռք համագործակցությունը։

Երեկոյի ընթացքում հայրենասիրական, ժողովրդական երգերի կատարումներով հանդես եկան հատուկ այս առիթով Հայաստանից հրավիրված երգչուհի Սոնա Ռուբենյանը, ինչպես նաև լոնդոնաբնակ երգիչ Անդրե Սիմոնյանը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր