Միացյալ Թագավորությունում ՀՀ դեսպան Արմեն Սարգսյանի հանդիպումը «Համագործակցության» գլխավոր քարտուղար, բարոնուհի Պատրիսիա Սքոթլանդի հետ

25 հունվարի, 2018

Հունվարի 25–ին Մեծ Բրիտանիայի և Հյուսիսային Իռլանդիայի Միացյալ Թագավորությունում Հայաստանի Հանրապետության դեսպան Արմեն Սարգսյանը հանդիպում ունեցավ «Համագործակցության» գլխավոր քարտուղար, բարոնուհի Պատրիսիա Սքոթլանդի հետ։

Դեսպան Սարգսյանը գլխավոր քարտուղարին փոխանցեց ՀՀ Նախագահ Սերժ Սարգսյանի հրավերը` մասնակցելու 2018թ. հոկտեմբերի 11–12–ը Երևանում կայանալիք Ֆրանկոֆոնիայի գագաթնաժողովին։

Հանդիպման ընթացքում անդրադարձ կատարվեց երկկողմ հետաքրքրություն ներկայացնող մի շարք հարցերի։ Կողմերը քննարկեցին տարբեր միջազգային հարթակներում համագործակցային կապերի հաստատման հնարավորությունը։

Տեղեկանք` «Համագործակցությունը»` նախկինում «Ազգերի բրիտանական համագործակցություն», Բրիտանական կայսրության կազմի մեջ մտնող երկրները միավորող միջկառավարական կազմակերպություն է, որին անդամակցում է 52 երկիր։ Կազմակերպության ղեկավարն է Թագուհի Եղիսաբեթ Երկրորդը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր