Դեսպանության ներկայացուցիչների այցը Դերբի

27 հունվարի, 2020

Հունվարի 27-ին, Լոնդոնում ՀՀ դեսպանության ներկայացուցիչներն այցելեցին Դերբի քաղաք՝ մասնացելու Հոլոքոստի հիշատակի օրվան նվիրված միջոցառումներին, որոնց ներկա էին քաղաքի խորհրդի անդամները, դիվանագետները, տարբեր համայնքների եւ ակադեմիկ շրջանակների ներկայացուցիչները:

Իր խոսքում դեսպանության ներկայացուցիչ Արամ Արարատյանը նշեց, որ նա ներկայացնում է մի ազգ, որը ցեղասպանության ցավի մասին գիտի ոչ թե դասագրքերից, այլ սեփական պատմությունից: Հայ դիվանագետն ընդգծեց, որ Ցեղասպանության ճանաչումը եւ դատապարտումը, զոհերի արժանապատվությանը հարգանքի տուրք մատուցելը եւ իրենց հիշատակի ոգեկոչումը ծանր հանցագործությունները կանխելու հզոր միջոց են: Նա շնորհակալություն հայտնեց Դերբիի քաղաքի խորհրդին, Հոլոքոստի հիշատակի օրվա կոմիտեի անդամներին, մասնավորապես Ռասլ Պոլարդին՝ 2018թ. Հայոց ցեղասպանությունը ճանաչելու եւ դատապարտելու համար:

Դեսպանության ներկայացուցիչները մասնակցեցին Դերբիի քաղաքապետ Ֆրենկ Հարվուդի կողմից կազմակերպված ընդունելիությանը, ինչպես նաեւ Բրիջ Չափլում եւ Կանաչ Տաճարում տեղի ունեցած հիշատակի և ոգեկոչման արարողություններին: Այցի շրջանակներում նաեւ տեղի ունեցավ հանդիպում տեղի համայնքի ներկայացուցիչների հետ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր