ՄԹ-ում ՀՀ դեսպանության հայտարարություն

27 հուլիսի, 2020

Սիրելի՛ հայրենակիցներ,

Վերջին օրերի՝ հայ-ադրբեջանական սահմանում Ադրբեջանի կողմից սանձազերծված մարտական գործողություններն իրենց արձագանքն են ստացել բազմաթիվ երկրներում, այդ թվում՝ Միացյալ Թագավորությունում:

Ներկայումս աշխարհի տարբեր պետություններում արձանագրվում են Հայաստանի Հանրապետության դեսպանությունների, հայ համայնքների անդամների հանդեպ սադրանքներ, բռնության, գույքի վնասման կամ ոչնչացման դեպքեր ու փորձեր:

Հաշվի առնելով ստեղծված իրավիճակը, ինչպես նաեւ հետագա հնարավոր լարվածությունից խուսափելու համար՝ կոչ ենք անում մեր հայրենակիցներին ցուցաբերել առավելագույն զգոնություն և չտրվել որևէ սադրանքների:

Բոլորիդ խնդրում և հորդորում ենք չմասնակցել այս երկրի իշխանությունների կողմից չարտոնված որևէ նախաձեռնության կամ բողոքի ակցիայի, որը կարող է նպաստել արդեն իսկ առկա լարվածության աճին, ինչն էլ սադրիչների հետապնդած հիմնական նպատակն է։

Միացյալ Թագավորությունում ՀՀ դեսպանություն

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր