Դեսպան Ներսեսյանի հանդիպումը ՄԹ խորհրդարանի արտաքին հարաբերությունների հանձնաժողովի նախագահի հետ

05 նոյեմբերի, 2021

Նոյեմբերի 5-ին դեսպան Վարուժան Ներսեսյանը հանդիպում է ունեցել ՄԹ խորհրդարանի արտաքին հարաբերությունների հանձնաժողովի նախագահ Թոմ Թուգենդհատի հետ։

Հանդիպման ընթացքում տեղի է ունեցել մտքերի փոխանակում ՀՀ-ՄԹ հարաբերությունների հեռանկարների, այդ թվում՝ միջխորհրդարանական կապերի աշխուժացման վերաբերյալ։

Թոմ Թուգենդհատի խնդրանքով, դեսպանը ներկայացրել է տարածաշրջանային զարգացումները, ԼՂ հակամարտության գոտում ստեղծված իրավիճակը, Ադրբեջանի կողմից Հայաստանի նկատմամբ վարվող ագրեսիվ քաղաքականությունը, որը ներառում է սահմանային ոտնձգություններ Հայաստանի ինքնիշխան տարածքի նկատմամբ, ինչպես նաեւ այն հանգամանքը, որ պատերազմից մեկ տարի անց Բաքուն հրաժարվում է հայրենիք վերադարձնել իր մոտ գտնվող հայ ռազմագերիների։ Անդրադարձ է կատարվել բանակցային գործընթացի վերսկսման հնարավորություններին՝ ԵԱՀԿ Մինսկի խմբի եռանախագահություն շրջանակներում։

Վարուժան Ներսեյսնաը եւ Թոմ Թուգենդհատը քննարկել են նաեւ միջազգային հարթակներում խորհրդարանական փոխգործակցության հնարավորությունները։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր