Լոնդոնի կլիմայական գործողությունների շաբաթ

27 հունիսի, 2026

Լոնդոնի կլիմայական գործողությունների շաբաթվա (London Climate Action Week) շրջանակներում Միացյալ Թագավորությունում ՀՀ արտակարգ և լիազոր դեսպան Վարուժան Ներսեսյանն ուղեկցել է ՀՀ շրջակա միջավայրի նախարար Համբարձում Մաթևոսյանին կլիմայական գործողություններին, կենսաբազմազանության ֆինանսավորմանը, ինչպես նաև Հայաստանի կողմից հյուրընկալվող ՄԱԿ-ի Կենսաբազմազանության մասին կոնվենցիայի Կողմերի 17-րդ համաժողովի (CBD COP17) նախապատրաստական աշխատանքներին նվիրված մի շարք բարձր մակարդակի միջոցառումների ընթացքում։

Ծրագիրը ներառում էր մասնակցություն «Բնապահպանական գործողությունների առաջմղումը Ռիոյի կոնվենցիայի COP-երի միջոցով», «Ֆինանսներ և բնություն երկխոսություն» և «Ճանապարհ դեպի COP17 Երևան» խորագրերով քննարկումներին, ինչպես նաև հանդիպումներ միջազգային գործընկերների հետ՝ COP17-ի նախապատրաստական աշխատանքների, ռեսուրսների մոբիլիզացման և կենսաբազմազանության պահպանության թեմաներով։

ՄԹ-ում ՀՀ դեսպանությունը հյուրընկալել է եկել նաև ընդունելություն, որին ներկա են եղել պետական կառույցների, միջազգային կազմակերպությունների, մասնավոր սեկտորի, ակադեմիական շրջանակների և քաղաքացիական հասարակության ներկայացուցիչներ։ Միջոցառումը հարթակ է հանդիսացել՝ ներկայացնելու Հայաստանի առաջնահերթությունները որպես COP17-ը հյուրընկալող և նախագահող երկիր, ինչպես նաև ամրապնդելու գործընկերային կապերը Երևանում կայանալիք համաժողովին ընդառաջ։

Իր ելույթում դեսպան Ներսեսյանն ընդգծել է Լոնդոնի կլիմայական գործողությունների շաբաթվա կարևորությունը միջազգային համագործակցության ընդլայնման գործում և վերահաստատել Հայաստանի պատրաստակամությունը՝ սերտորեն աշխատելու գործընկերների հետ՝ ներառական և արդյունքահեն COP17 անցկացնելու ուղղությամբ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր