Ջազային Կոմիտաս նախագծի պրեմիերան Լոնդոնում

27 հունիսի, 2026

Հունիսի 27-ին Լոնդոնում, ՀՀ դեսպանության աջակցությամբ, տեղի ունեցավ «Jazzical Komitas» (Ջազային Կոմիտաս) նախագծի պրեմիերան, որը ներկայացրեց «Կլինգեն» երգչախումբը և մշակութային միությունը (Klingen Choir and Cultural Association)։

Համերգը մեկտեղեց Կոմիտասի երաժշտությունը ջազի, դաշնամուրի, նվագախմբի և երգչախմբի հետ՝ նորովի ներկայացնելով հայ երաժշտական ժառանգության ամենակարևոր դեմքերից մեկի ստեղծագործությունները։

Իր ելույթում դեսպանն անդրադարձավ Կոմիտասի հարատև ժառանգությանը՝ նշելով, որ նա «լոկ կոմպոզիտոր չէր», այլ հանդիսանում է հայերի կողմից սեփական մշակույթի, պատմության ու հնչյունի ընկալման անբաժանելի մասը։ Նա նաև ընդգծեց Կոմիտասին նոր լսարաններին ներկայացնելու կարևորությունը՝ շեշտելով, որ նման համագործակցություններն օգնում են նրա գործը արդիական և հասանելի պահել սերունդների ու մշակույթների համար։

Դեսպանն իր երախտագիտությունը հայտնեց դիրիժոր և կատարող Սիփան Օլահին, դաշնակահար և կոմպոզիտոր Ջոել Ա. Մարտինին, «Կլինգեն» կամերային նվագախմբին, «Կլինգեն» երգչախմբին, ինչպես նաև բոլոր այն կատարողներին ու կազմակերպիչներին, ովքեր իրենց ներդրումն ունեցան այս երեկոյի կայացման գործում։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր